Бүгүнкү күндө 1 миң 454 адам обсервацияда жатат. Бул тууралуу бүгүн, апрелде өкмөт үйүндө өтүп жаткан маалымат жыйынында саламаттык сактоо министри Сабиржан Абдикаримов билдирди.
Анын айтымында, азыркы убакта 1 миң 454 адам обсервацияда жатат.
“Алардын ичинен Бишкек шаарында 249, Чүй облусунда – 79, Ош шаарында – 30, Ош облусунда – 246, Жалал-Абад – 86, Баткен облусунда — 468, Нарын облусунда -77, Талас облусунда – 30, Ысык-Көл облусунда — 91 адам ”, — деди министр.
Кошумчалай кетсек, Кыргызстанда коронавирус жуктургандардын саны 147 адамга жетти.