Саламаттык сактоо министри Алымкадыр Бейшеналиевдин көзү көгөргөн абалда журналисттерге интервью берген видеосу жарыяланды.
Маалыматка ылайык, бүгүн, 20-декабрда вирустун жаңы түрүн талкуулаган жыйында министр бети сыйрылып, көзү көгөргөн абалда жүргөн. Көп өтпөй «Ала-Тоо 24» Ютуб каналынан министрдин катышуусундагы репортаж өчүрүлүп, кайра жүктөлгөн.
Саламаттыкты сактоо министрлигинин басма сөз кызматы бул боюнча комментарий берип,17-декабрда «Алтын балалык» реабилитациялоо борборунун аймагына көчөттөрдү отургузуу учурунда министр Бейшеналиевге арча кулап кеткенин билдирген.