Өзбекстандын президенти Шавкат Мирзиёев кызы Саида Мирзиёеваны президенттик аппараттын коммуникациялар жана маалыматтык саясат бөлүмүнүн башчысы кызматына дайындады. Бул тууралуу өлкө башчысынын басма сөз катчысы Шерзод Асадов билдирди.
Жаңы түзүлгөн бул бөлүм маалыматтык саясат жана коомдук пикирди изилдөө менен алектенет. Мындан тышкары маданият, билим берүү жана социалдык тармактардагы реформалардын жүрүшүн көзөмөлдөйт.
Өзбек лидеринин улуу кызы Саида Мирзиёева 2019-2022-жылдар аралыгында президенттик администрацияга караштуу Маалымат жана массалык коммуникациялар боюнча агенттиктин жетекчи орун басары кызматында иштеген. 2022-жылдан тарта Улуттук масс-медианы колдоо жана өнүктүрүү фондунун камкорчулар кеңешинин төрага орун басары кызматында иштей баштаган.
2021-жылы ноябрда Өзбекстандын Коррупцияга каршы күрөшүү кызматы мамлекеттик кызматта чогуу иштөөгө тыюу салынган туугандардын тизмесин кеңейткен мыйзам долбоорун иштеп чыккан. Ага ылайык, мамлекеттик кызматкер тууганы менен бир мекемеде иштеп жатканын билгенден кийин 10 күндүн ичинде ал тууралуу жетекчилигине маалымат бериши керек болот. Бул талапты аткарбаган кызматкерлер үчүн 375-500 доллар өлчөмүндө айып пул каралган. Эгер кызматкер бул тууралуу маалымат бергенден кийин жетекчилик алардын бирөөнү башка кызматка которуу боюнча чараларды көрбөсө, ал 600-750 доллар өлчөмүндө айып пул төлөйт.
Өзбекстандын президенти Шавкат Мирзиёев 18-19-апрель күндөрү расмий сапары менен Душанбеге барат. Бул тууралуу «Азия-Плюс» агенттиги …
Өзбекстан президенти Шавкат Мирзиёев 17-ноябрдагы жыйын учурунда Сурхандарыя облусунда ири өнөр жай долбоорлору ишке ашырыларын …
Президент Садыр Жапаров Ташкент шаарына болгон иш сапарынын алкагында Өзбекстан Республикасынын Президенти Шавкат Мирзиёев менен …
Бүгүн, 13-октябрда Өзбекстандын президенти Шавкат Мирзиёев Ардак белгиси менен сыйланды. Атайын сыйлык Мирзиёевге КМШ өлкөлөрүнүн …
Жогорку Кеңештин төрагасы Нурланбек Шакиев Өзбекстанга расмий иш сапарынын алкагында аталган өлкөнүн президенти Шавкат Мирзиёев …
Өзбекстандын президенти Шавкат Мирзиёев кийинки аптада АКШга барат. Бул тууралуу өзбек мамлекет башчысынын басма сөз …
