Милдеттүү медициналык камсыздандыруу фондунун Бишкектеги башкармалыгынын директору Болот Момбеков үй камагына чыгарылды. Бул тууралуу бүгүн, 4-февралда Бишкектин Биринчи май райондук сотунун басма сөз кызматы билдирди.
Маалыматка ылайык, Момбеков сотко чейинки өндүрүш иштин алкагында 31-мартка чейин үй камагында болот.
Эске салсак, Момбеков 29-январда шаардагы соода түйүндөрүнүн биринде пара алып жаткан жеринен кармалган. Жетекчи чет өлкөгө жумушка бараткан адамга медициналык аныктама жана башка документтерди даярдап берүү үчүн андан акча талап кылган.