Кыргызстандын муфтийи Абдулазиз Закиров иш сапары менен Астананын башкы мечитине барды. Бул тууралуу Кыргызстан мусулмандар дин башкармалыгынан билдиришти.
Имам Канат Коянбек уулу муфтийди мечиттин ишмердүүлүгү менен тааныштырып, ырым-жырым жана медициналык жайлар, окуу үчүн атайын студиялар, зыярат кылуучу ишканалар, китепканалар жана окуу имараттары тууралуу маалымат берди.
Астанадагы мечит борбор Азиядагы эң чоң мечит. Жалпы аянты 68 062 чарчы метр, диаметри 62 метрге жетет. Мечиттин бийиктиги 130 метр болгон 4 мунарасы бар. Жалпы кубаттуулугу 235 миң адамды түзөт. Бул дүйнөдөгү эң чоң 10 мечиттин бири. Мечиттин курулушу 2022-жылы аяктаган.
Ошондой эле мечиттин биринчи кабатында 440 орундуу банкет залы, 405 орундуу жабык унаа токтотуучу жай, фойе, дааратканалар, техникалык жана ритуалдык бөлмөлөр жана башка жайлар бар.
Намазканадан тышкары, биринчи жана экинчи кабаттарда окуу бөлмөлөрү, жыйындар залы, нике бөлмөсү, куран окуу залы, телестудия, кеңселер, тейлөө жайлар, дүкөндөр, музей жана техникалык бөлмөлөр бар.
