Маданият, маалымат, спорт жана жаштар саясаты министрлиги М.Күрөңкеев атындагы Кыргыз мамлекеттик музыкалык колледжинин имаратын бузуп, ордуна жаңысын курууну пландоодо. Бул тууралуу Биринчи радиого министрдин биринчи орун басары Чыңгыз Эсенгул уулу билдирди.
Анын айтымында, бул имарат жер төлөсү жок, пайдубалы жапыз курулган.
«Комиссия түзүлүп, тиешелүү адистердин корутундусунун негизинде ошол эле жерге жана ошол эле долбоор боюнча жаңы имарат куруу пландалууда», — деди ал.
