Кыргызстандык Назарбек Малаев Евразия экономикалык комиссиясынын интеграцияны өнүктүрүү департаментинин директорунун орун басары болуп дайындалды. Бул тууралуу ЕЭКтин сайтында маалымдалды.
Назарбек Малаев 1982-жылы Баткен районунун Самаркандек айылында туулган. 2005-жылы Ош мамлекеттик университетин «мамлекеттик жана муниципалдык башкаруу» адистиги боюнча, 2009-жылы КР президентине караштуу Башкаруу академиясын «менеджмент» адистиги боюнча аяктаган.
2009-жылдан 2017-жылга чейин Каржы министрлигинде ар кандай кызматтарда, анын ичинде жетекчилик кызматтарда иштеген. 2017-жылдан 2021-жылга чейин — Соода саясаты башкармалыгынын лицензиялоо бөлүмүнүн башчысы, КР Экономика министрлигинин соода саясаты башкармалыгынын тарифтик эмес жөнгө салуу жана экспорттук контролдоо бөлүмүнүн башчысы.
2021-жылдан 2023-жылга чейин — президенттин администрациясында стратегиялык өнүктүрүү саясаты, экономика жана финансы, саясий жана экономикалык изилдөөлөрдү башкаруу реформаларына мониторинг жүргүзүү жана талдоо бөлүмдөрүндө, ошондой эле Евразия экономикалык союзунун иштери боюнча бөлүмдө иштеген. 2023-жылдан 2025-жылга чейин — экономика жана коммерция министринин орун басары. 2025-жылдын 30-июлунан тартып ЕЭКтин интеграцияны өнүктүрүү департаментинин директорунун орун басары кызматына дайындалды.
Буга чейин Данияр Иманалиев Евразия экономикалык комиссиясынын интеграция жана макроэкономика боюнча министри болуп дайындалганы кабарланган.
Дене тарбия жана спорт департаментиндеги коррупциялык схеманын бети ачылды. Бул тууралуу УКМК тараткан маалыматта айтылат. …
Президент Садыр Жапаров кол койгон тескемеге ылайык, КР Конституциясынын 70-беренесинин 8-бөлүгүнө, 71-беренесине ылайык коргоо министринин …
Солтонбекова Ализа Карыпбековна Кыргыз Республикасынын Эмгек, социалдык камсыздоо жана миграция министринин биринчи орун басары болуп …
Дене тарбия жана спорт департаменти эми Маданият министрлигине карабайт, ал өзүнчө Дене тарбия жана спорт …
Татиков Руслан Кыргыз Республикасынын Финансы министринин орун басары кызматынан бошотулду. Тиешелүү буйрукка министрлер кабинетинин башчысы …
Президент Садыр Жапаров бүгүн Евразия экономикалык комиссиясынын (ЕЭК) коллегиясынын төрагасы Бакытжан Сагинтаевди кабыл алды. Бул …
