Ноокат районунда жеке ишкер Шаимбек Алимбаевдин сабалып, каракталганы боюнча милиция тарабынан текшерүү иштери жүрүп жатат. Бул тууралуу “Турмуш” сайты жазды.
Маалыматка ылайык, жабырлануучу буга чейин коркутуулар болуп жатканын жана коопсуздугун камсыздап берүүнү суранып Ноокат райондук ички иштер башкармалыгына арыз менен кайрылганын социалдык тармактагы баракчасына жазган. Арадан көп өтпөй сабалып, жанындагы 200 миң сомдон ашык акчасын жана уюлдук телефонун карактап кетишкен.
«Мени 11-декабрь күнү түндө сабап кетишип, учурда Ноокат аймактык ооруканасынын сыныктар бөлүмүндө жатам. Мени сабагандар буга чейин иним менен чогуу иштеген, укук коргоо органдарында иштеген жигиттер. Алар көмүр кенин чогуу иштетип баштап, иним каза болордо акциянын баарын кайра каттатышып, иниме 4 млн сом карызды «илип» коюшуптур. Чыр ошондон башталып, коркутуулар болду. Ноокат РИИБге кайрылгам. 11-декабрь күнү артымдан аңдып келишип, сабап, уюлдук телефонумду тартып алышты. Жанымда усталарга деген 200 миң сом жана бирөө берген 26 миң сом акча бар болчу. Аларды да сабалгандан кийин таппай калдым», — деп билдирген Шаимбек Алимбаев.
Жеке ишкер сабады делген Болот, Гүлжигит жана Алтын аттуу жигиттер Ш.Алимбаевдин айткандарын төгүндөп, жалган-жалаа экенин айткан.
Ош ОИИБдин маалыматына караганда, Шаимбек Алимбаев милицияга 9-11-декабрь күндөрү арыз менен кайрылган. Учурда токмоктолуп, каракталганы боюнча комплекстүү экспертиза дайындалган.
«Экспертизанын жыйынтыгы чыккандан кийин чара көрүлөт», — деп билдиришти Ош ОИИБден.
Ноокат райондук прокуратурасы тарабынан Жаңы-Ноокат айылындагы мыйзамсыз менчиктештирилип кеткен бала бакча мамлекетке кайтарылды. Бул тууралуу …
Ноокатта таксисттерден опузалап акча талап кылууга шектүүлөр кармалды. Бул тууралуу Ички иштер министрлигинин басма сөз …
Ноокатта 13 күндөн бери дайынсыз болгон өспүрүм изделүүдө. Өзгөчө кырдаалдар министрлигинен билдиришкендей, үстүбүздөгү жылдын 8-декабрында …
Ош облусуна караштуу Ноокат районундагы Найман көлүнө 17 жаштагы кыз түшүп кеткен. Бул тууралуу Өзгөчө …
Ноокатта жайлоого кетип, жардан кулап түшкөн жигит дрондун жардамы менен табылды. Ош облустук милициянын маалымат …
Ноокат районунун «Кадастр» мамлекеттик мекемесинин жооптуу кызматкерлери кармалды, деп билдирет КР УКМКнын басма сөз кызматы. …
