Жалал-Абад облусунун Ноокен районунда дайынсыз жоголгон чабанды издөө иштери уланууда.
Өзгөчө кырдаалдар министрлигинен билдиришкендей, бүгүн, 11-январда издөө иштерине 57 адам, 4 дрон жана спутниктик байланыш каражаттары тартылды.
Алардын 36сы Өзгөчө кырдаалдар министрлигинин куткаруучулары, 15и Ички иштер министрлигинин кызматкерлери, ал эми алтоо жергиликтүү тургундар.
Эске салсак, 2024-жылдын 15-декабрында Таш-Көмүр шаарынын тургуну 1978-жылы туулган М.Д. Сүттү-Булак жайлоосуна мал жаюуга чыккан бойдон кайтып келген эмес. Издөө иштери 17-декабрдан бери уланууда.
«Издөө иштери өзгөчө кырдаалдар министри Бообек Ажыкеевдин жеке көзөмөлүнө алынды», — деп айтылат маалыматта.
