Бишкек шаардык мэриясы борбордогу №1 гимназия-интернатынын айланасындагы кырдаал тууралуу маалымат берди.
Маалыматка ылайык, Бишкек мэриясынын Билим берүү башкармалыгы тарабынан ведомстволор аралык комиссия түзүлүп, №1 мектеп-интернатынын ишмердүүлүгү боюнча текшерүү жүргүзүлүп, анын жүрүшүндө тамак-ашты уюштурууда одоно мыйзам бузуулар, кадрдык жана уюштуруу иштерине бирдиктүү мамиле жок экендиги аныкталган.
«Комиссия мектеп-интернаттын ишмердүүлүгүндө орун алган мыйзам бузуулар боюнча педагогикалык жамааттын, Бишкек шаарынын прокуратурасынын, Бишкек шаардык кеңешинин депутаттарынын кайрылуусунун негизинде түзүлдү. Мектеп-интернаттарда балдардын жашоосу жана окутуусу үчүн тийиштүү шарттарды камсыз кылуу, окуучуларды усулдук жана социалдык жактан колдоонун бирдиктүү формасын түзүү жана мыкты шарттарды түзүү максатында №1 мектеп-интернатын №71 Тоголок-Молдо атындагы жетим балдарга жана ата-энесинин камкордугусуз калган балдардын мектеп-интернатына кошуу жолу менен кайра уюштуруу чечими кабыл алынды («Тоголок-Молдо атындагы Бишкек шаардык мектеп-комплекси»).
Учурда №1 БГИнин мугалимдери менен түшүндүрүү иштери жүргүзүлүп, Бишкек шаарындагы мектептерде кызматкерлердин жашаган жери же башка каалоосу, ээлеген кызматы эске алынып, башка жумуш сунушталууда», — де айтылат маалыматта.
Кошумчалангандай, мурдагы директор Матканова Н.С. бир нече жолу одоно мыйзам бузууларга жол бергендиги үчүн КР Эмгек кодексинин 83-беренесине ылайык кызматынан бошотулганына карабай, иш кагаздарын, ошондой эле иш бөлмөсүн тапшыруудан баш тартып, директордун милдетин аткаруучунун ишине кийлигишип келген.
«Буга чейин шаардык кызматтар тарабынан №1 гимназия-интернатынын аймагындагы муниципалдык эки кабаттуу жайды өзүм билемдик менен басып алган адамдарды (мурдагы жетекчилик) көчүрүү иштери жүргүзүлгөн», — деп кошумчалашты мэриядан.
Буга чейин Бишкек шаарындагы №1 мектеп-интернатынын окуучулары жана мугалимдери митингге чыгышканы кабарланып, нааразычылык акциясынын видеосу социалдык тармактарга жарыяланды.
Мугалимдердин айтымында, билим берүү мекемесинин мугалимдер жамаатына жаңы келген директору тарабынан кысым болууда.
Ташкенттин Сергели районунда 1-класстын окуучуларынын колдоруна ийне сайганы аныкталган мугалим иштен алынды. Бул тууралуу Өзбекстандын …
Грузияда «чет элдик агент» мыйзам долбооруна каршы акция өтүп жатат. Бул тууралуу чет элдик басылмалар жазды. …
Нарын шаарында окуучу кыздарга ыдык көрсөтүп келген деп айтылып жаткан адам муунуп каза болду. Нарын …
Жизак облусунун Замин районундагы мектептердин биринде иштеген мугалим 7-класстын окуучусун сабап салганы үчүн жумуштан бошотулду. …
2-апрелде Финляндиянын Вантаа шаарындагы мектепте ок атылып, үч окуучу жараат алды. Бул тууралуу Reuters агенттиги …
Ташкентте сот 12 жаштагы окуучуну зордуктоого аракет кылган деп айыпталган 67 жаштагы музыка мугалимине карата …
