Мектеп окуучулары үчүн 2021/2022-окуу жылындагы кышкы каникул 31-декабрдан 11-январга чейин созулат. Бул тууралуу Билим берүү жана илим министрлиги билдирди.
Маалым болгондой, окуучулар 12 күн эс алат. Окуу 12-январда (шаршемби) башталат.
Эске салсак, республикада 2021/2022-окуу жылынын башталышы 15-сентябрга жылдырылган. 2021-2022-окуу жылында менчиктин бардык типтериндеги жана формаларындагы жалпы билим берүү уюмдарында сабактар 2022-жылдын 8-июнунда аяктайт.