Парижде өтүп жаткан Олимпиада оюндарында Айаал Лазарев биринчи беттешинде жеңилип калган. Ал эркин күрөш боюнча турнирде 125 килограммга чейинки салмак ченинде күч сынашкан.
1/8 финалдык беттеште Лазарев Азиянын жана Азия оюндарынын учурдагы чемпиону, Токио Олимпиадасынын коло байгесинин ээси, дүйнөнүн эки жолку чемпиону ирандык Амир Хоссейн Заре менен кез келип, ага 0:5 эсебинде жеңилип калды.
Ирандын балбаны финалга чыкса, анда Лазарев 10-августта коло медаль үчүн мелдешке чыгуу мүмкүнчүлүгүнө ээ болот.
