Орусиянын Коргоо министрлиги Украинанын Винница шаарына «Калибр» ракеталарынан урулган соккуларды ырастап, ал тийген “Офицерлер үйү” деп аталган имаратта “украин командачылыгы менен чет элдик курал жеткирүүчүлөрдүн жыйыны өтүп жатканын” билдирди. Мекеменин маалыматында чабуулдун натыйжасында иш-чаранын катышуучулары жок кылынган.
Ракеталык соккулар 9 кабаттуу турак жайга жана “Офицерлер үйү” деп аталган концерттик залга тийген. Анда украин ырчысы Роксолананын концертин өткөрүү пландалып жаткан. Украин тарап имарат эч качан аскердик багытта колдонулбаганын билдирүүдө.
14-июлда Украинанын Винница шаарында Орусиянын ракеталык соккусунан 23 киши, анын ичинде үч жаш бала өлдү. Дагы 39 кишинин дайыны изделип жатат. 117 киши жабыркаган, 34ү оор абалда, бешөө өтө оор абалда турат.
Украин президенти Владимир Зеленский окуядан кийин тараткан билдирүүсүндө Орусияны “киши өлтүргүч” жана “террорчу өлкө” деп атады. Буга байланыштуу Винница облусунда аза күтүү жарыяланды.
Винница Украинанын борбордук бөлүгүндө жайгашкан шаар жана учурда эки тарап согушуп жаткан линиядан кыйла эле алыс турат. Орусия бүткүл Украинанын үшүн алып туруу үчүн согуш жүрүп жаткан линиядан алыста турган шаарларды да улам-улам аткылап жатат. Июндун аягында Кременчуг шаарындагы соода дүкөнүнө урулган соккудан 20дан ашык киши өлгөн, аз күн мурда Часов Ярга жасалган чабуулдан 50дөй адам мерт болду.
Булак: Azattyk
25-мартта Москванын Басман райондук соту «Крокус Сити Холлдогу» террордук чабуулга байланыштуу дагы үч кишини камакка …
Орусиянын президенти Владимир Путин 24-мартты аза күтүү күнү деп жарыялады. Путин өз кайрылуусунда каза болгондордун жакындарына көңүл …
Тышкы иштер министрлиги Кыргызстандын Орусиядагы элчилиги менен бирге Москванын четиндеги Красногорск шаарындагы «Крокус Сити Холл» …
Кыргызстандын Тышкы иштер министрлиги «Крокус сити холлдогу» террордук актка байланыштуу Москвадагы кыргызстандыктарды эл көп чогулган …
Москванын четиндеги Красногорск шаарындагы «Крокус Сити Холл» концерттик залында болгон кандуу кол салууда жабыркагандардын саны …
Президенти Садыр Жапаров бүгүн, 25-декабрда, Санкт-Петербург шаарында Жогорку Евразия экономикалык кеңештин (ЖЕЭК) отурумуна катышууда. Жыйын …
