Россиянын Санкт-Петербург шаарындагы Всеволожск районунда кыргыз жаранды көчөдөн атып кетишти. Бул тууралуу жергиликтүү басылмалар жазды.
Маалыматка ылайык, окуя 21-октябрда Шувалов көчөсүндөгү №4 үйдүн жанында катталып, анда 24 жаштагы кыргызстандык жигитке ок тийген.
Көчөдө турган кыргызстандык жигиттин жанына 20-25 жаштардагы эки адам келип чылым сурашкан. Тамеки бербегенден соң аны тапанча менен көкүрөк тушуна жана бутуна атып, кетип калышкан. Всеволожск районунун полициясы териштирүү ишин баштаган ,-деп жазылат маалыматта.