Бишкек.05.02.2019.Govori.TV.
«Манас» эл аралык аэропортунун басма сөз кызматынын билдиргени боюнча, «Ош» аэропортунда жардыргыч зат коюлганы тууралуу маалымат 5-февраль күнү, саат 18:46да келип түшкөн. Учурда аэропорттогу жүргүнчүлөрдү жана кызматкерлерди эвакуациялоо жүрүп жатат.
Буга чейин бүгүн саат 15:09да «Манас» аэропортуна жардыргыч зат коюлганы тууралуу маалымат түшүп, жүргүнчүлөр жана кызматкерлер эвакуацияланган. УКМК кызматкерлеринин иликтөөсүнөн кийин аба майданынын иши саат 17:40та кайра жанданды. Эвакуацияланган адамдар эки сааттан ашуун убакыттан соң имаратка кайра киргизилди. Бирок издөө-иликтөө иштери уланууда.
Жагдайдан улам саат 17:05те Бишкек-Москва багытындагы каттам кечигип учмай болду. Жадыбалга ылайык, саат 18:05те Новосибирскиге, 18:45те Ошко, 19:50дө Красноярскиге, 20:15те Алматыга жөнөчү каттамдар бар.
