Ош облусунда күчү 5 баллга жеткен жер титирөө катталды. Бул тууралуу Өзгөчө кырдаалдар министрлигинин маалымат кызматынан кабарлашты.
Сейсмология институтунун маалыматына ылайык, жер титирөө 30-майда саат 10:25те Ош облусунун аймагында очогунда күчү 5 баллга жеткен.
Жер титирөө Өзгөн районунун Шоро-Башат, Кара-Дыйкан, Шералы, Мырза-Аке айылдарында 4 жарым балл, Жалал-Абад облусунун Жалал-Абад шаарында, Көк-Жаңгак шаарында, Октябрь, Сузак айыл аймактарында 3 баллга чейин сезилген.
Жер титирөөдөн жабыркагандар жана кыйроолор катталган жок.