Ош шаарынын Кең-Сай айылында жайгашкан кездеме ишканасынын имаратында өрт чыкты. Бул тууралуу Өзгөчө кырдаалдар министрлигинин басма сөз кызматынан кабарлашты.
Маалыматка ылайык, 6-сентябрь күнү Кең-Сай айылында жайгашкан кездеме ишканасынын имаратынан өрт чыккандыгы тууралуу саат 20:08де маалымат түшкөн. Өрттү өчүрүүгө 10 куткаруучу тартылган. Өрт саат 21:35те чектөөгө алынып, саат 00:15те өрт толук өчүрүлгөн.
Белгилей кетсек, өрттүн жалпы аянты болжол менен 686 чарчы метр. Өрттөн жабыркаган жана каза болгон адамдар жок.