Адамдар 11-мартта ууланышкан. Медициналык жардам алуу үчүн 12-мартта тогуз киши кайрылса, 13-мартта ооруканага дагы сегиз киши түшкөн.
«13-мартта беш бала санавиация менен Ош шаардык клиникалык ооруканасына алып келинген. Үч баланын абалы оор. Эки баланын саламаттыгы туруктуу оор деп бааланууда», — деп айтылат маалыматта.
Өзгөн аймактык ооруканасында учурда 12 бейтап дарыланууда. Алардын бири кайра жандандыруу бөлүмүндө.