Ош облусунда жер титирөө катталды. Бул тууралуу ӨКМнын басма сөз кызматы билдиришти.
Сейсмология институтунун маалыматына ылайык, 28-январь күнү саат 14:22де Ош облусунун очогунда күчү 3 баллга жеткен жер титирөө катталган.
«Жер титирөө Кара-Кулжа районунун Кара-Кочкор айылында 3 балл, Өзгөн районунун Чимбай айылында 3 балл, Мырзаке, Салам-Алик айылдарында 2,5 баллга чейин сезилген»,-деп айтылат маалыматта.
Жер титирөөдөн жабыркагандар жана кыйроолор катталган жок.