Кыргызстанда күчү 3 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматы кабарлады.
Сейсмология институтунун маалыматына ылайык, 1-апрель күнү саат 19:50дө өлкө аймагында очогунда күчү 3 баллга жеткен жер титирөө катталган.
«Жер титирөө Ош облусунун Кара-Суу районунун Папан, Ата-Мерек, Кызыл-Туу, Алчалуу айылдарында 2,5 баллга чейин сезилген»,-деп жазылат маалыматта.
Жер титирөөдөн жабыркагандар жана кыйроолор катталган жок.