Ош облусунда күчү 3 баллга чейин жеткен жер титирөө катталды. Бул тууралуу КР Өзгөчө кырдаалдар министрлигинин басма сөз кызматы маалымдайт.
Маалыматка ылайык, жер титирөө кечээ, 17-ноябрда болжол менен саат 04:35те Ош облусунун аймагында катталып, очогунда күчү 3 баллга жеткен.
«Алай районунун Бор-Дөбө айылында 3 баллга чейин сезилген. Жер титирөөдөн жабыркагандар жана кыйроолор катталган жок»,деп айтылат маалыматта.