Марат Акимбек уулу ОшТВ телеканалына башкы директор болуп дайындалды. Бул тууралуу «Т-Медиа» агенттиги жазды.
Маалымат боюнча, жаңы жетекчини жамаатка бүгүн, 29-сентябрда Мамлекеттик мүлк фондунун төрагасы тааныштырган.
29 жаштагы Марат Акимбек уулу «Жетинчи каналда», «Ош Пиримде» «Ынтымак» КРТРКсында, TMG телеканалында жана «Азаттыктын» Оштогу бюросунда иштеген.
Буга чейин аталган телеканалды Керимбек Калыкулов жетектеп келген.