Кыргызстандын экс-президенти Роза Отунбаева президенттик шайлоодо алдыга чыккан талапкер Садыр Жапаровду жеңиши менен куттуктады.
Отунбаева Жапаровду өлкө өтө оор социалдык жана экономикалык кризиске туш болуп турган кезде келип жатканын айтып, элдин үмүтү жана келечекке болгон ишеними аны менен байланышта болуп турганын белгилеген.
Роза Отунбаеванын куттуктоо сөзүн толугу менен төмөндө беребиз:
“Урматтуу Садыр Нуркожоевич, сизди Кыргыз Республикасынын Президенти кызмат ордуна шайланышыңыз менен чын ыкластан куттуктайм! Бул кызматка өлкө өтө оор социалдык жана экономикалык кризиске тушугуп турган кезде келип жатасыз. Учурда элдин үмүтү жана келечекке болгон ишеними Сиз менен байланышта болуп турганын өткөн шайлоонун жыйынтыгы таасын көрсөттү, шайлоочулардын басымдуу көпчүлүгүнүн добушуна ээ болдуңуз. Алдыда татаал реформалар турат. Менин терең ишенимимде ар бирибиз өткөөл мезгилдин кыйынчылыктарын түшүнүү менен колдоо көрсөтө алсак гана ийгилик болот. Элибиз “жабыла көтөргөн жүк жеңил болот” – дейт эмеспи. Коомдогу бардык күчтөрдүн башын бир максатка бириктирип, бир багытка баштоого дараметиңиз жете турганына, Сиздин жетекчилик менен Кыргыз Республикасынын эгемендүүлүгүнүн отузунчу жылы чоң бурулуштардын жылы боло турганына ишенем”, – деп жазган экс-президент Отунбаева.
Белгилей кетсек, Кыргызстанда 10-январда өткөн президенттик шайлоодо Садыр Жапаров добуштардын 79 % ашыгын алды.
Өзбекстандын президенти Шавкат Мирзиёев Кыргызстандын элин жана президент Садыр Жапаровду Рамазан айынын башталышы менен куттуктады. …
Президент Садыр Жапаров бүгүн кыргызстандыктарды ыйык Орозо (Рамазан) айынын башталышы менен куттуктады. Мамлекет башчысынын куттуктоосу: …
Президент Садыр Жапаров бүгүн, 5-мартта кыргызстандыктарды Ак калпак жана улуттук кийимдер күнү менен куттуктады. Мамлекет …
Кыргыз Республикасынын Президенти Садыр Жапаров бүгүн, 5-мартта, Кыргыз Республикасынын сот тутумунун кызматкерлерин куттуктады. Мамлекет башчысынын …
Президент Садыр Жапаров Тамаш Шуйокту Венгриянын Президенти кызматына шайланышы менен куттуктады. Бул тууралуу өлкө башчынын …
Президент Садыр Жапаров бүгүн, 22-декабрда, энергетика тармагынын кызматкерлерин Энергетиктер күнү менен куттуктады. Мамлекет башчысынын куттуктоосу: …
