Пакистандын Равалпинди шаарындагы сот өлкөнүн мурдагы премьер-министри Имран Хан менен анын аялы Бушра Бибини жети жылга эркинен ажыратты. Жубайларга ажырашкандан кийин кайра дароо баш кошкон деген айып тагылган.
Жарандык соттун чечиминде белгиленгендей, саясатчынын 2018-жылдын январындагы үйлөнүү тою мусулмандар үчүн Ыйык деп эсептелген Куран китебиндеги тыюуну бузуу менен өткөн. Ага ылайык, аял ажырашкандан кийин үч айдан кийин гана кайра турмушка чыкса болот. The Express Tribune басылмасынын маалыматына караганда, Бушра Биби күйөөсү менен 2017-жылы ноябрда ажырашкан.
Имран Хан — Пакистандагы эң популярдуу спорт түрү эсептелген крикеттин адискөй оюнчусу болгон. Ал көп жылдардан бери оппозицияда жүрүп, 2018-жылкы парламенттик шайлоодо жеңишке жеткенден кийин өкмөт башына келген. 2022-жылы парламент ага ишенбөөчүлүк көрсөтүп, кызматтан четтеткен.
Отставкага кеткенден кийин Ханга каршы 50дөн ашык кылмыш иши козголгон. 2023-жылы май айында саясатчы жемкорлук айыбы менен кармалган. Ошол эле жылы августта «акча кымыруу» айыбы менен үч жылга эркинен ажыратылган.
Быйыл 30-январда Карачи соту Ханды жана анын Pakistan Tehreek-e-Insaf (PTI) партиясынан депутат Шах Махмуд Курешини «мамлекеттик купуя сырды ачыктаган» деген айып менен 10 жылга кескен.
31-январда Имран Хан менен аялы жемкорлук айыбы менен 14 жылга соттолгон. Ал дарегине айтылган айыптоолордун баарын четке кагып, саясий куугунтук болуп жатканын айтып келет.
Пакистанда 8-февралга жалпы шайлоо дайындалган. Сот Ханга шайлоолорго катышууга тыюу салган.
Төрт айдан бери камакта отурган пакистандык журналист Имран Риаз Хан эркиндикке чыкты. Бул маалыматты анын …
Пакистандын түндүк-батышында саясий митингде болгон жардыруудан кеминде 40тан ашуун киши каза болду. Акыркы маалыматтарга караганда, …
Кыргызстандын Тышкы иштер министрлиги Пакистанда ички саясий кырдаал кескин курчуганына байланыштуу кыргызстандыктарды аталган өлкөгө барбай …
Пакистан менен Ооганстанда 21-март күнү кечинде катталган күчү 6,5 баллга жеткен жер титирөөдөн бери дегенде …
Пакистанда кортежге ок атылып, мурдагы премьер-министр Имран Хан жаракат алды. Маалыматка караганда, окуя өлкөнүн борбору …
Дүйнөлүк банк суу ташкындарынан улам ири чыгымга учураган Пакистанга 2 миллиард доллар бөлүп берет. Бул …
