«Пирамида» медиахолдингинин жана Япониянын Кыргызстандагы элчилигинин биргелешкен долбоорунун алкагында Япония Фондунун колдоосу менен 2022-жылдын 7-мартынан баштап «Нацузора: Нацунун асманы» деп аталган 156 сериялуу жапон көркөм тасмасы көрсөтүлөт. Телесерил Кыргызстандын аймагында биринчи жолу көрсөтүлө баштайт. Бул тууралуу медиахолдингден кабарлашты.
Маалыматка ылайык, драма күн сайын иш күндөрү (дүйшөмбүдөн жумага чейин) саат 22:00дө Пирамида телеканалынан кыргыз тилинде көрсөтүлөт.
Сериал профессионал актёрлор тарабынан кыргыз тилинде коштолду. Пирамида Медиа Холдинги Япония фонду тарабынан берилген телесериалдарды которуу жана үн коштоо боюнча ишин улантууда. Кыргызстандын көрүүчүлөрү жакында жапондордун жаңы көп сериялуу долбоорлорун көрө алышат.
«Natsuzora» сериалы Японияда популярдуулукка ээ. Көрүүчүлөр сүйүп көргөн, жогорку рейтингинде турган сериалдардын катарына кирет.
Сюжет: 1946-жылы жайында согушта ата-энесинен ажыраган тогуз жаштагы Нацуну атасынын аскер жолдошу багып алат. Анын Хоккайдодогу жаңы үй-бүлөсүнүн сүт фермасында жашосу оңой эмес. Бирок бул үй-бүлөнүн чоң атасы Тайзунун колдоосу менен Нацу бактылуу жана дени сак өсөт. Ал сонун аттарды тарта алган Тенё аттуу балага жолугат. Ал Нацуга анимация дүйнөсүн көрсөтөт жана ал ага ашык болуп калат. Сүрөт тартуу менен жашоону кыялданарын түшүнгөн Нацу жаңыдан өнүгүп келе жаткан тармакта аниматор аял катары сапарын баштайт.
