Президент Сооронбай Жээнбеков бүгүн, 19-ноябрда Дүйнөлүк банктын Европа жана Борбордук Азиядагы стратегия жана операциялар боюнча директору Мариам Шерман менен жолугушту.
Өлкө башчынын басма сөз кызматынан билдиргендей, Мариам Шерман «Туруктуу өнүгүү үчүн реформаларды тездетүү» жогорку деңгээлдеги донордук форумдун ишине катышуу үчүн Кыргызстанга келген.
Жолугушууда кызматташуунун келечеги, өлкөдө жасалып жаткан, анын ичинде регионалдык долбоорлорду ишке ашыруу жөнүндө пикир алышуу болду.
Мамлекет башчы Дүйнөлүк банк өлкөнү өнүктүрүү боюнча социалдык-экономикалык маселелерди чечүүдө активдүү колдоо көрсөткөн ишенимдүү өнөктөш экенин белгиледи. Кыргызстанда региондорду өнүктүрүү орто мөөнөттүү мезгилдеги негизги милдет катары караларын айтып, Дүйнөлүк банктын «Региондорду комплекстүү өнүктүрүү» долбоорун иштеп чыга баштагандыгы үчүн ыраазычылык билдирди.
Ошондой эле Дүйнөлүк банктын «Келечек үчүн билим берүү» долбоору жана билим берүү мекемелерин реконструкциялоо боюнча долбоору бүгүнкү күндүн талабына жооп бере турган улуттук билим берүү системасына олуттуу колдоо болот деген үмүтүн айтты.
«Мариам Шерман өз кезегинде президент Сооронбай Жээнбековду өлкөнүн келечеги үчүн чоң мааниге ээ болгон «Туруктуу өнүгүү үчүн реформаларды тездетүү» жогорку деңгээлдеги донордук форумунун ийгиликтүү өтүшү менен куттуктады. Форумду өткөрүү жакшы идея экенин, анткени анда жаңы приоритеттерди аныктоо боюнча пикир алмашуу үчүн натыйжалуу диалогдук аянтча түзүлгөнүн белгиледи. Ал Дүйнөлүк банк аймактарды өнүктүрүүгө багытталган демилгелерди колдоорун жана Ош облусунда «Региондорду интегралдуу өнүктүрүү» долбоорун ишке ашыруу боюнча пландары тууралуу айтып берди. Ийгиликтүү ишке ашса, аталган долбоор Кыргызстандын башка региондорунда да ишке ашырыла турганына ишендирди.
Жолугушууга Борбордук Азия өлкөлөрү боюнча Дүйнөлүк банктын аймактык директору Лилия Бурунчук жана Дүйнөлүк банктын Кыргызстандагы кеңсесинин башчысы Болормаа Амгаабазар катышышты», — деп айтылат мааалыматта.
Эл аралык республикалык инститтуттун (IRI) изилдөөсүнө ылайык, Кыргызстанда президенттин саясатын колдоо деңгээли 82%ды түздү. Бул …
Президент Садыр Жапаров бүгүн Баку шаарында Азербайжага болгон мамлекеттик сапарынын алкагында өлкө президенти Ильхам Алиев …
Президент Садыр Жапаров бүгүн, 20-апрелде, Бишкектин четинде жайгашкан жаңы футболдук стадиондун курулушунун жүрүшү менен пландан …
Президент Садыр Жапаров шаар тургундарын Ботаникалык бакка барып эс алууга, көчөт сатып алып отургузууга чакырды. …
“Элдик” депутаттык тобунун лидери Акылбек Түмөнбаев баштаган депутаттар Аманкан Кенжебаев жана Жалолидин Нурбаев Кыргызстандагы сүт …
Президент Садыр Жапаров 2-апрелде коммерциялык эмес уюмдардын ишин көзөмөлдөгөн мыйзамга кол койду. Мамлекет башчысы көпчүлүктү, …
