Бишкек. 19. 04. 2018. Govori.TV
КРнын Президенти Сооронбай Жээнбеков Сапар Исаков жетектеген Өкмөтүү отставкага кетирген буйрукка кол койду. Бул тууралуу Президенттик аппараттын маалыматтык саясат бөлүмүнөн кабарлашты.
Президент Сооронбай Жээнбеков Жогорку Кеңеш Кыргыз Республикасынын Өкмөтүнө ишеним көрсөтпөгөндүгүнө байланыштуу, Кыргыз Республикасынын Конституциясынын 85-беренесинин 6-бөлүгүн, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 13-беренесинин 1-бөлүгүнүн 5-пунктун жетекчиликке алып, Кыргыз Республикасынын Өкмөтүн отставкага кетирди.
Анда белгилүү болгондой, Президент Жогорку Кеңештин 101 депутаты добуш берген өкмөткө ишеним көрсөтпөө боюнча токтомун колдоого алган.
Жарлыкка ылайык, Премьер-министр, вице-премьер-министрлер, Өкмөтүнүн мүчөлөрү кызмат ордун ээлеген адамдар мурда ээлеген кызмат орундарына ылайык Өкмөттүн мүчөлөрүнүн милдеттерин аткарууну Өкмөттүн жаңы курамы түзүлгөнгө чейин улантышат. Жарлык кол коюлган учурдан баштап күчүнө кирет.
Эске сала кетсек, Сапар Исаков өкмөт башчылыкка 2017-жылдын 25-августунда дайындалган. Жыл айланбай ээрден жылмышты.
КР Президенттик администрациясы Сорос фондунун Кыргызстандагы өкүлчүлүгүн жабуу жөнүндө чечим боюнча комментарий берди. «Фонд командасы …
Президент Садыр Жапаров 2-апрелде коммерциялык эмес уюмдардын ишин көзөмөлдөгөн мыйзамга кол койду. Мамлекет башчысы көпчүлүктү, …
Кара-Балта жана Токмок шаарларын өнүктүрүүгө 1 миллиард сомдон бөлүнөт. Министрлер кабинетинин төрагасы Акылбек Жапаров эки …
Казакстандын президенти Касым-Жомарт Токаев Шавкат Мирзиёевдин чакыруусу менен 5-апрелде Өзбекстанга барды. Бул тууралуу өзбек президентинин …
Кыргызстандагы томолой жетим балдар 18 жашка чыккандан кийин мамлекеттен 500 миң сомдон алат. Бул тууралуу …
Президент Садыр Жапаров «Чет элдик өкүл» жөнүндө мыйзамына кол койду. Бул тууралуу ал өзү Facebook …
