Президент Сооронбай Жээнбеков жергиликтүү өз алдынча башкаруу органдарынын ишмердигине санариптештирүүнү киргизүү менен таанышты
Кыргыз Республикасынын Президенти Сооронбай Жээнбеков бүгүн, 6-февралда, Чүй облусуна жумушчу сапарынын алкагында Аламүдүн районунун үлгүлүү Лебединовка айыл өкмөтүнүн мисалында жергиликтүү өз алдынча башкаруу органдарынын ишмердигине санариптештирүүнү киргизүүнүн жүрүшү менен таанышты.
Кыргыз Республикасынын Өкмөтүнө караштуу Мамлекеттик каттоо кызматынын төрагасы Алмаз Мамбетов Лебединовка айыл өкмөтүнүн жаңы имаратынын башкы өзгөчөлүгү — бул паспортторду, туулгандыгы жана нике тууралуу күбөлүктөрдү, бала төрөлгөндө жөлөкпулдарды берүү, жарандардын жашаган жерин каттоо, салыктарды чогултуу ж. б. калкка мамлекеттик кызматтарды көрсөткөн «Бирдиктүү терезенин» болушунда экенин билдирди.
Бул жарандардын ар түрдүү справка жана уруксат берүүчү документтерди алуусун жеңилдетип, убакытты жана акчалай чыгымдарын үнөмдөйт.
Президент Сооронай Жээнбеков жергиликтүү бийликтин ишмердигин автоматташтыруу мамлекеттик саясаттын артыкчылыгы экенин баса белгиледи. Өлкөнү санариптештирүүнүн негизги милдети жарандардын социалдык-экономикалык абалын жакшыртып, элдин мамлекеттик органдар менен болгон карым-катнашында ыңгайлуулукту жогорулатуу экенин дагы бир жолу эске салды.
Бул тажрыйбаны «Санарип Кыргызстан» платформасынын алкагында жалпы өлкөгө жайылтуунун маанисине токтолуп, жергиликтүү бийликтин аракеттерин канаттануу менен баса белгиледи.
Президент Садыр Жапаров бүгүн, 20-апрелде, Бишкектин четинде жайгашкан жаңы футболдук стадиондун курулушунун жүрүшү менен пландан …
Президент Садыр Жапаров шаар тургундарын Ботаникалык бакка барып эс алууга, көчөт сатып алып отургузууга чакырды. …
Президент Садыр Жапаров 2-апрелде коммерциялык эмес уюмдардын ишин көзөмөлдөгөн мыйзамга кол койду. Мамлекет башчысы көпчүлүктү, …
Казакстандын президенти Касым-Жомарт Токаев Шавкат Мирзиёевдин чакыруусу менен 5-апрелде Өзбекстанга барды. Бул тууралуу өзбек президентинин …
Президент Садыр Жапаров «Чет элдик өкүл» жөнүндө мыйзамына кол койду. Бул тууралуу ал өзү Facebook …
Президент Садыр Жапаров бүгүн Чүй облусунун Сокулук районундагы мобилдик мульти-диагностикалык комплекстин иши менен пландан тышкары …
