Президенттер курултайга расмий чакыруу алыша элек

Бишкек. 14.11.2018. Govori.TV

24-ноябрда Бишкекте коомдук-саясий күчтөрдүн курултайы болот. Курултайга өлкөдөгү бардык бийлик бутактарынын башчылары жана саясий күчтөр чакырылды. Анын ичинде экс-президент Алмазбек Атамбаев жана азыркы президент Сооронбай Жээнбеков да бар.

Экс-президент Алмазбек Атамбаеавге курултайга чакыруу азырынча оозеки түрүндө гана айтылгандыктан, партия бул маселени карай электигин билдирди партиянын өкүлү Кундуз Жолдубаева.

Өлкө башчы Сооронбай Жээнбековдун курултайга келээри белгисиз.

Учурда бир катар саясий партиялар курултайга катышууга макулдугун берди. Ошондой эле жыйырмадан ашык ар кандай коомдук бирикмелер, бейөкмөт уюмдар, патриоттук күчтөр да катыша турганы белгилүү болду.

Курултайда экс-президент Атамбаевдин алты жылдык ишине, президент Жээнбековдун бир жылдык ишине ошондой эле  Жогорку Кеңештин дагы ишмердигине баа берилмекчи. Ошондой эле саясий куугунтук менен камакта жаткандардын маселеси да каралат.

Курултайдын уюштуруучуларынын негизги максаты аны маанисин кийинки муунга калтыруу менен бирге баш мыйзамга киргизүүнү көздөп жатканын айтты Турсунбек Акун.

Бул курултай  тууралуу коомдук жана саясий ишмер Адахан Мадумаров төмөндөгүдөй пикир айтты.