Бишкек шаарынын Биринчи Май райондук прокуратурасы тарабынан Бишкек шаардык архитектуралык-курулуш көзөмөлү боюнча башкармалыгында текшерүү жүргүзүлдү.Текшерүүдө, аталган башкармалыктын жооптуу кызматкерлери бир катар мыйзам бузуулар менен курулган 10 кабаттуу турак-жайды пайдаланууга кабыл алышкандыгы аныкталды. Бул тууралуу Башкы прокуратурадан билдиришти.
Маалыматка ылайык, “А.К.” курулуш компаниясы 2007-жылы Бишкек шаары, Балтагулов көчөсү 2/3 (мурдагы Тынчтык проспектиси 36) дарегиндеги көп кабаттуу турак жайды курууга уруксат алган. 2016-жылы «Бишкекбашкыархитектура» мамлекеттик мекемеси тарабынан мамлекеттик экспертизадан өтпөгөн объекттин долбоордук документтерине өзгөртүүлөр киргизилип, анын ичинде курулуш көлөмү жана имараттын аянты көбөйгөн.
«Андан соң, жогорудагы 10 кабаттуу турак жай архитектуралык жана шаар куруу мыйзамдарынын ченемдерин жана өрт коопсуздугунун талаптарын бузуу менен курулган. Мындан тышкары, берилген инженердик-техникалык шарттарды бузуу менен объектти жылуулук менен жабдуу каралган газдын ордуна электр энергиясынын эсебинен жүргүзүлөөрү аныкталды. Бул объекттин өзүнө жана ошол райондун электр тармактарына кошумча оорчулук келтирет. Бирок, жогорудагы белгиленген адамдардын коопсуздугуна коркунуч келтирген мыйзам бузууларга карабастан, 2020-жылдын февраль айында Мамэкотехинспекциянын Бишкек шаары боюнча аймактар аралык башкармалыгынын (азыркы Бишкек шаардык архитектура-курулуш көзөмөлү боюнча башкармалыгы) жооптуу кызматкерлери тарабынан көп кабаттуу турак-жай имараты пайдаланууга кабыл алынган»,-деп айтылат маалыматта.
Текшерүүнүн жыйынтыгы менен прокуратура тарабынан Кылмыш-жаза кодексинин 337-беренеси (“Кызмат абалынан кыянаттык менен пайдалануу”) боюнча кылмыш иши козголду жана Архитектура, курулуш жана турак жай-коммуналдык чарба мамлекеттик агенттигине аныкталган мыйзам бузууларды четтетүү жөнүндө прокурордук чара көрүү актысы киргизилди.
Башкы прокурор Курманкул Зулушев фейсбук баракчасына билдирүү жазып, Ак калпак күнү менен куттуктады. Зулушев куттуктоосу …
Башкы прокурор Курманкул Зулушев Камчы Көлбаевдин өлүмү боюнча атайын операциянын мыйзамдуулугу текшерилгенин билдирди. “Президентибиз мага …
Бүгүн, 14-июндагы Жогорку Кеңештин жыйынында «Кыргыз Республикасынын прокуратурасы жөнүндө» Кыргыз Республикасынын конституциялык мыйзамына өзгөртүүлөрдү киргизүү …
Бүгүн, 8-июндагы Жогорку Кеңештин жыйынында “Кыргыз Республикасынын прокуратурасы жөнүндөгү” Кыргыз Республикасынын конституциялык мыйзамына өзгөртүү киргизүү …
Ысык-Көл райондук прокуратурасы тарабынан Ысык-Көл райондук өнүктүрүү фондунун каражаттарынан «Тамчы» эл аралык аэропортунун маңдайындагы эки аялдама пунктунун курулушунун мыйзамдуулугу текшерилди. Бул …
УНААДАН ӨРТ ЧЫКТЫ Бишкекте унаадан өрт чыгып, бир адам колунан күйүк алды. Бул тууралуу Өзгөчө …
