Башкы прокуратура тарабынан жүргүзүлгөн текшерүүдө Саламаттык сактоо министрлигинин жетекчилиги кээ бир кызмат адамдары менен биргеликте өздөрүнүн кызыкчылыктарын көздөп, мамлекетке каршы контракт түзгөндүгү аныкталды. Бул тууралуу Башкы көзөмөл органынын басма сөз кызматы кабарлады.
Прокуратуранын маалымат кызматы билдиргендей, Саламаттык сактоо министри Алымкадыр Бейшеналиев түзгөн пайдасыз келишим мамлекеттин казынасына 55 миллион сом зыян келтирген.
«2021-жылдын 8-июлунда Бахрейндин M.V.ch компаниясы менен Саламаттык сактоо министрлигинин ортосунда дары-дармек каражаттарын көзөмөлдөө боюнча мамлекеттик мекемелерге акысыз кызмат көрсөтүү боюнча кызматташуу меморандумуна кол коюлган. Бирок ага карабастан министрликтин жетекчилиги кээ бир кызмат адамдары менен чогуу тендер өткөрбөй туруп, Түркиянын TC. I. T. компаниясы менен келишим түзүп, аларга 54 миллион 836 миң 316 сом которгон», — деп жазылган маалыматта.
Прокуратура Бахрейн компаниясы менен түзүлгөн меморандум боюнча долбоор бекер ишке ашмак экенин белгилеген.
«Бирок Саламаттык сактоо министрлигинин жетекчилиги жеке кызыкчылыктарды көздөп дары-дармектерди көзөмөлдөө системасын орнотууда атайылап пайдасыз келишим түзгөн», — деп айтылат маалыматта.
Бул факты боюнча Башкы прокуратура тарабынан Кылмыш-жаза кодексинин 337 (кызмат абалын кыянаттык менен пайдалануу) жана 339-беренелери (билип туруп пайдасыз контракт түзүү) менен кылмыш иши козголуп, тергөө амалдары жүргүзүлүүдө.
Буга чейин тергөө аяктаганча деп саламаттык сактоо министри Алымкадыр Бейшеналиев кызматтан убактылуу четтетилген. Башкы прокуратура ага 7 кылмыш ишин козгоду.
Жогорку Кеңештин депутаты Мирлан Самыйкожо бүгүнкү жыйында бардык министрлерге сөз берүүнү талап кылды. Белгилей кетсек, …
Бүгүн, 3-апрелдеги Жогорку Кеңештин жалпы жыйнында депутаты Жусупбек Коргонбай уулу Саламаттык сактоо министри Алымкадыр Бейшеналиев …
Бүгүн, 1-апрелде Жогорку Кеңештин Социалдык саясат боюнча комитетинин жыйынында депутат Камила Талиева Саламаттык сактоо министри …
Саламаттык сактоо министри Алымкадыр Бейшеналиев Жогорку Кеңештин депутаты Жусупбек Коргонбай уулуна каршы сотко арызданды. Бул …
Эл аралык донорлор Кыргызстанга 12 жылдык билим берүү системасын таңуулап жатат деген маалыматтарды Билим берүү …
Саламаттык сактоо министри Алымкадыр Бейшеналиев депутат Жусупбек Коргонбай уулунун билдирүүсү боюнча жооп берди. “Мен “карамынбы …
