«Red Cow», “Social Coffee”, «Season Bar». Бишкекте бир катар ресторандар жабылды

Бишкекте курамына 11 мекеме кирген “Mayram Group” ресторандар тармагы жабылды. Бул тууралуу Kaktus.media сайты өздүк булактарына таянып жазды.

Маалыматка ылайык, УКМКнын тергөө кызматы Камчыбек Асанбектин (Камчы Көлбаев) кылмыштуу кирешесин адалдоо фактысы боюнча мурда козголгон кылмыш ишинин алкагында иш алып барууда. Бул иштин алкагында КР мурдагы премьер-министри Данияр Үсөновдун уулу Мурат Үсөновго эл аралык издөө жарыяланган.

2024-жылдын январында УКМК анын Бишкектеги коомдук тамактануу жайларын тейлеген ресторан бизнесинин башкаруучу компаниясы бар экенин билдирген: “Асман”, Social Coffee, Urban, Sushi Room, Red cow, My shisha, Aroma, «Социалдык пицца», «Сезон» жана «Тесто место» жана башкалар.

Тергөөнүн маалыматында, кирешенин бир бөлүгү уюшкан кылмыштуу топторду каржылоого жумшалган.

Ошол эле учурда, башкаруучу компания бардык жерде кафе жана ресторандардын негиздөөчүсү болгон эмес, ээлеринин арасында башка ишкерлер болгон.

Бир нече күн мурун Red Cow, Sushi Room, Social Cosmopark эс алуу жерлерине мөөр басылган.

Ал эми бүгүнкү күнгө карата мөөр дагы бир канча мекемеге басылды.

Жогорудагы мекемелердин ичинен “Social Coffee”, “Urban”, “Sezon Bar”, “Sand Bishkek” социалдык баракчаларында техникалык себептерден улам убактылуу жабык экенин билдиришкен.