Бишкектеги №1 тергөө абагында бир кызматкердин анализинен коронавирус табылды. Бул тууралуу 8-майда саламаттык сактоо министринин орун басары Нурболот Үсөнбаев билдирди.
Анын айтымында, азыр эпидемиологиялык иликтөө жүрүп жатат.
«СИЗО-1де бир адам коронавирус жуктурганы аныкталган. Учурда ал дарыгерлердин көзөмөлүндө»,-деди Үсөнбаев.
Белгилей кетсек, Жаза аткаруу боюнча мамлекеттик кызмат 7-майда билдирүү таратып, жабык жайларда коронавируска чалдыккан адам жок экенин билдирген болчу.