«Сабиздин жаңы түшүмү жыйнала баштагандыктан жана агенттиктин аракеттеринен улам базарларда сабиздин баасы жөнгө салынып, арзандай баштады», — деп айтылат Монополияга каршы жөнгө салуу агенттиги тараткан маалыматта.
Азыр базарларда сабиздин орточо баасы 50 сомдун тегерегинде.
Айыл, суу чарба жана аймактарды өнүктүрүү министрлиги сабиздин кымбаттаган себебин суроо-талаптын көбөйгөнү менен дагы байланыштырган.
Расмий маалыматка ылайык, былтыр беш айда 13 миң тонна экспорттолсо, быйылкы жыл башынан тартып 31 миң тонна сабиз сыртка сатылган.
Кыргызстанда сабиздин баасы 100-120 сомго чейин чыккан.