Президент Садыр Жапаров иш сапар менен Казакстанга жөнөп кетти.
Кыргыз Республикасынын Президенти Садыр Жапаров бүгүн, 8-сентябрда, бешинчи Дүйнөлүк Көчмөндөр оюндарынын ачылыш аземине катышуу үчүн иш сапары менен Казакстан Республикасына жөнөп кетти.
Расмий делегациянын курамында:
— Мамлекеттик катчы Сүйүнбек Касмамбетов;
— Президенттин Администрациясынын тышкы саясат бөлүмүнүн башчысы Муратбек Азымбакиев;
— Маданият, маалымат, спорт жана жаштар саясаты министри Алтынбек Максүтов;
— Кыргызстандын Казакстандагы Атайын жана Ыйгарым укуктуу Элчиси Дастан Дюшекеев бар.