Саламаттык сактоо министрлиги менен Дүйнөлүк саламаттыкты сактоо уюму 2022-2023-жылдарга эки жылдык кызматташтык келишимине кол коюшту. Бул тууралуу Саламаттыкты сактоо министрлигинин басма сөз кызматынан кабарлашты.
Маалыматка ылайык, 2022-жылдын 16-мартынан 19-мартына чейин министр Алымкадыр Бейшеналиев Түркияда иш сапары менен болот.
«Бул жолугушуунун алкагында министр Алымкадыр Бейшеналиев ДССУнун Европалык аймактык бюросунун директору Ханс Клюге менен жолугушуп, анда тараптар 2022-2023-жылдарга Саламаттыкты сактоо министрлиги менен ДССУнун Европа аймактык бюросунун ортосундагы эки жылдык кызматташуу келишимине кол коюшту»,-деп айтылат маалыматта.