Мамлекеттик салык кызматы 2022-жылдын 1-апрелине карата салык карызы бар деп таанылган 535 салык төлөөчүнүн өлкөдөн чыгууга чектеген. Бул тууралуу МСКнын басма сөз кызматы билдирет.
Мындан тышкары, Сот департаментине 1128 салык төлөөчүгө карата материалдар чыгууга чектөө жөнүндө чечим кабыл алуу үчүн жөнөтүлдү.
Белгилей кетсек, Кыргыз Республикасынын Салык кодексинин ченемдерине ылайык, 2022-жылдын 1-январынан тартып салык карызы бар деп таанылган салык төлөөчүлөргө карата бир катар чектөө чаралары колдонулууда.
Алсак, салык кызматынын органдары салык төлөөчү тарабынан таанылган салык карызы 1000 эсептик көрсөткүчтөн (100 миң сом) ашкан жана салык карызынын аткарылышын камсыз кылуу жөнүндө билдирүү тапшырылган учурдан тартып 15 жумушчу күндүн ичинде аткарылбаган жеке жактын же уюмдун жетекчисинин өлкөдөн чыгууга чектөө жөнүндө арыз менен сотко кайрылууга укуктуу.
Мындан тышкары, Мамлекеттик салык кызматы менен Кыргыз Республикасынын Жогорку сотуна караштуу Сот департаментинин ортосунда аткаруу документтери менен иш алып баруудагы өз ара аракеттешүү тартиби жөнүндө макулдашуу түзүлгөн.
Бул Макулдашууга ылайык салык органдарынын салык карызын өндүрүү боюнча материалдарынын негизинде сот аткаруучулар кызматынын бөлүмдөрү тарабынан мүлктү камакка алуу, чыгууга тыюу салуу, ошондой эле башка алдын алуу иш-аракеттери түрүндө чектөө чаралары көрүлөт.
Салык кызматынын расмий сайтында 100 миң сомдон ашык суммада таанылган салык карызы бар салык төлөөчүлөрдүн тизмеси ай сайын жарыяланат.
Жогоруда баяндалгандарды эске алуу менен Салык кызматы салык карызы бар салык төлөөчүлөрдү чектөө чараларын колдонуудан алдын алуу үчүн Кыргыз Республикасынын салык мыйзамдарынын белгиленген мөөнөттө салык милдеттенмелерин аткаруу боюнча ченемдерин сактоого чакырат.
Салык кызматы жарандарды товарларды же кызматтарды сатып алууда контролдук-кассалык чектерди талап кылуусуна кызыктыруу үчүн акция …
Салык кызматы тараткан маалыматка ылайык, 1-апрелге чейин салык декларациясын мамлекеттик жана муниципалдык кызматкерлер, ата мекендик …
“Сосновка” посттунда жана Өтмөк ашуусунда оор жүк ташуучу унааларга чектөөлөр киргизилди. Бул тууралуу ЖКККББнын басма …
Мамлекеттик салык кызматы «салык төлөөчүнүн кабинети» аркылуу онлайн түрдө салыктар жана камсыздандыруу төгүмдөрү боюнча карыздарды …
Мамлекеттик салык кызматы 2023-жылы 25-декабрдан 30-декабрга чейин өткөрүлгөн “Чек талап кылып, байге утуп ал!” кызыктыруучу …
Жол кыймылынын коопсуздугун камсыздоо башкы башкармалыгы кар жаап, аба ырайынын өзгөрүүсүнөн улам өлкө аймагындагы айрым …
