Ысык-Көл районунун Садыр-Аке айыл аймагындагы сел сууларынан жабыркаган айылдарга ӨКМдин унаалары менен тургундарга таза суу жеткирилүүдө. Бул тууралуу ӨКМдин басма сөз кызматынан кабарлашты.
Ал үчүн ӨКМдин Ысык-Көл району боюнча ӨКБнын N31, N32, N33-өрткө каршы-куткаруу бөлүгүнөн резервдеги өрт өчүрүүчү унаалар күнүнө 5,5 тонна ичүүчү суу менен Темир, Булан-Сөгөттү жана Корумду айылдарында нөөмөттө туруп, тургундарга таза суу таратууда.
Белгиленгедей, тургундарды камсыздоо таза суу туруктуу берилгенче улантылат.
19-августта Корумду, Темир, Садыр-Аке, Булан-Сөгөттү айылдарында 497 үйгө суу киген. Мындан тышкары бала бакча, ФАП, китепкана, пансионаттарды суу каптаган.
ӨКМ учурда 159 үй сел калдыгынан толук тазаланганын айтты. Учурда Ысык-Көлдө селдин кесепеттерин жоюу иштери уланууда.