Чүй облусунун Сокулук районуна караштуу Комсомол айылында бычактан алган жаракатынан улам эки киши ооруканага түштү. Бул тууралуу облустук милициядан билдиришти.
Маалыматка ылайык, 22-август күнү Сокулук райондук милициясынын нөөмөт бөлүмүнө аймактык ооруканадан бычактан жаракат алган эки киши тууралуу маалымат келип түшүп, милиция кызматкерлери жерине барган. Анда 1977-жылы туулган М.Э. жана 1976-жылы туулган Х.Э. аттуу жарандар бычактан жаракат алганы аныкталган.
Бул факты Кылмыштардын жана жоруктардын бирдиктүү реестрине 39-130-беренесинде «адам өлтүрүүгө аракет кылуу» менен катталып, сотко чейинки өндүрүш иши башталган.
«Издөө иш-чараларынын жүрүшүндө бул кылмышка шектүү катары 1989-жылы туулган Т.М. аттуу жаран кармалган. Тергөөнүн алдын ала версиясы боюнча, бул кылмыштын жасалышына шектүүнүн жабырлануучулар менен болгон чыр-чатагы түрткү болгон. Комсомол айылында жайгашкан дүкөндөрдүн биринин жанында жабырлануучулардын ортосунда чыр чыгып, мас абалында шектүү бычак менен сайган. Азыр бардык керектүү экспертизалар дайындалды»,-деп айтылат маалыматта.
Шектүү Сокулук районунун ички иштер башкармалыгынын убактылуу кармоочу жайына киргизилди. Учурда сотко чейинки өндүрүш иштери уланууда.
Баңгизатты коңшу мамлекеттерге жеткирүү боюнча эл аралык канал уюштурган шектүү кармалды. Бул тууралуу УКМКнын маалымат …
Бишкек шаарындагы мектеп жана бала бакчалардын директорлорунан акча талап кылган Эсептөө палатасынын дагы бир мамлекеттик …
Бишкек шаардык ички иштер башкы башкармалыгынын ыкчам кызматкерлери тарабынан мурда издөөдө жүргөн чет мамлекеттин жараны …
Бишкек шаарында уюшкан кылмыштуу топтун мүчөсү жергиликтүү тургундан опузалап акча алгандыгы үчүн кармалды. Бул тууралуу …
Ички иштер министрлигинин кызматкерлери Жаза аткаруу кызматы менен бирге абак жайларында текшерүү жүргүзүп, кара куурай баңгизаттарды …
Charge fast (тез заряд) пирамидасын уюштурууга шектүү жаран эки айга тергөө абагына камалды. Чечимди 9-мартта …
