«Баарыбыз биргеликте аксап жаткан билим берүү тармагын оңдошубуз керек». Мындай пикирин Президент Сооронбай Жээнбеков бүгүн, 25-сентябрда, Жогорку Кеңеште билим берүү жана илим министри Каныбек Исаковдун ант берүү аземинде айтты.
Мамлекет башчысы Каныбек Исаковду куттуктап, берген анттын зор маанисин сезе билип, эл-жерибизге, кыргыз мамлекетине жан дили менен, ак кызмат кылуусун каалады.
«Буга чейин билим берүү министрлигине сын-пикирлер арбын айтылып келди. Билимдин сапатына, сабактардын көлөмүнүн көптүгүнө, китеп басып чыгаруунун кемчиликтерине нааразылыктар көп болду. Бул тармакка бөлүнгөн акча каражаттары жылдан жылга көбөйүп жатат. 1-октябрдан тартып мугалимдердин айлыгы 30 пайызга көбөйөт. Бирок, билим берүү тармагына каражат көбөйгөнү менен, тилекке каршы, эл талап кылгандай, абал оңолуп кеткен жок. Бул министрликтин жетекчилигинин аракети, адамдык фактордун абдан көп таасиринен болуп жатат. Ошондуктан, жаңы министрдин жоопкерчилиги, ага артылган жүк жана ишеним чоң», — деп баса белгиледи Сооронбай Жээнбеков.
Ал министрдин тажрыйбасы бар, билим чөйрөсүн тереӊ түшүнөт, буга чейин мыкты иштеген деп белгилеп, жакшы иштеп берерине үмүтүн билдирди.
«Бирок, ишти оңдоп кетүү жалгыз министрдин колунан келбейт. Билим берүү тармагы улуттун жана өлкөнүн келечегин аныктайт, билим менен гана жаркын келечекти курабыз. Ошондуктан бир адамдан үмүттөнүп, четте карап отурбай, баарыбыз чогуу бул тармакты, биргеликте оңдошубуз керек», — деп баса белгиледи Президент Сооронбай Жээнбеков.
Ал жаңы министрге жоопкерчиликтүү ишинде ийгиликтерди каалады.
Борбордук шайлоо комиссиясы Жогорку Кеңештин бош калган депутаттык мандатын Советбек Рустамбек уулуна өткөрүп берди. Мындай …
Жогорку Кеңештин депутаты Акылбек Түмөнбаев бүгүн, 28-февралдагы жалпы жыйын учурунда Сооронбай Жээнбековду экс-президент макамынан ажыратууну …
14-февралда Бишкекте Европа Биримдигинин жана Борбор Азия мамлекеттеринин Ооганстан боюнча атайын өкүлдөрүнүн жана чабармандарынын кезектеги, …
Бүгүн, 16-январда депутат Эмил Жамгырчиев Жогорку Кеңешке келди. Ал азыркы тапта Укук тартиби, кылмыштуулук менен …
Жогорку Кеңештин жыйынында «Кыргыз Республикасынын айрым мыйзам актыларына (Салыктык эмес кирешелер жөнүндө Кыргыз Республикасынын кодексине, …
Бишкек шаарынын ЖЭБ-1 аймагында мэр Айбек Жунушалиевдин төрагалыгы алдында күз-кыш мезгилине даярдык көрүү боюнча жыйын …
