Бишкек.29.08.2019.Govori.TV.
Камактагы саясатчылар Өмүрбек Текебаев менен Дүйшөнкул Чотоновду соттук отурумга алып келишти. Бул тууралуу ЖК депутаты Алмамбет Шыкмаматов фейсбук баракчасына сүрөт жарыялады.
Ал эми соттук отурум жабык өтүүдө, Текебаев менен Чотоновдун жакындары, тарапташтары жанан ММК өкүлдөрү киргизилген жок.
Ишти Биринчи май райондук соту карап жатат.
Буга чейин белгилүү болгондой, жактоочулар соттон саясатчылардын баш коргоо чарасын өзгөртүп, тилкат менен абактан бошотууну өтүнүшкөн.
Жогорку сот 21-августта Өмүрбек Текебаев менен Дүйшөнкул Чотоновдун ишин жаңы ачылган жагдайларга байланыштуу карап, мурдагы чечимдердин баарын жокко чыгарган. Иш райондук сотко кайра кароого жөнөтүлгөн.
