Өлкөдөгү 670 миңден ашык адам пенсиясын өз убагында алат. Бул тууралуу өкмөт үйүндөгү маалымат жыйында Социалдык фонддун төрагасы Медер Ирсалиев билдирди.
Соцфонддун төрагасынын айтымында, банктык картасы жокторго почта кызматынын кызматкелери пенсиясын үйлөрүнө жеткирип берет.
«Алардын ичинен 55%ы банкттардан пенсиясын алса, 45%ы пенсиясын почта бөлүмдөрүнөн алат. Келерки айда пенсияларды каржылоо толук көлөмдө жана каралган мөөнөттө ишке ашырылат, каржылоо 9-апрелде ачылып, 10-апрелден тарта банктардан жана почта бөлүмдөрүнөн төлөмдөр бериле баштайт”, — дейт Ирсалиев.