Бишкек шаарында суу тартыштыгы күч алып, элдин нааразычылыгы айтылууда.
Суунун жетишсиздигинен рейд жүрүп, калаада жеке мончо жана автоунаа жуучу жайлар убактылуу жабылууда.
«Бишкексууканал» ишканасы 6-июнда калаанын түштүк бөлүгүнө түнкү убакытта таза суу берүүнү токтотуп турууга мажбур болуп атышканын кабарлады.
Мэрия билдиргендей, Бишкекти ичүүчү суу менен Орто-Алыш жана Ала-Арча жер астындагы суу алгычы камсыздайт. Орто-Алыш суу алгычында жер астындагы суунун деңгээли 15 метрден 20 метрге чейин төмөндөп кеткен. Мэрия калкты ичүүчү суу менен камсыз кылуу үчүн иштер жүрүп жатканын кошумчалады.
Бишкектеги суу тартыштыгы маселеси боюнча депутаттардын пикирин уктук…