Сузакта унаа жылкыны сүзүп, жаш жигиттер жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Жалал-Абад облусунун Сузак районундагы Кара-Чолок айылында “Мерседес-Бенц” унаасынын айдоочусу жолдон өтүп бара жаткан жылкыны сүзгөн.
Кырсыктын кесепетинен 2003-жылы туулган А.Р., М.А., Д.Б. жана Б уулу Н. аттуу жаш жигиттер жабыркаган.
Куткаруучулар жеткенге чейин жабыркаган жарандарды тез жардам кызматкерлери Жалал-Абад шаардык ооруканасына алып кетишкен.
