КРдин эл артисти, белгилүү төкмө акын Замирбек Үсөнбаевге шакирттери ат мингизишти аргымак мингизишти. Иш-чара «Манас» театрынын короосунда, театр ишмерлеринин коштоосунда өттү.
Анда Кыргыз Эл акыны Аалы Туткучев устатына аманчылык каалап, төмөндөгүлөргө токтолду.
«Улуу муун менен кичүү муундун ортосун байланыштырган алтын көпүрөсүз, ошол көпүрөлүгүңүз бекем болсун! Бар болуңуз!», — деди ал.
Ал эми Замирбек Үсөнбаев шакирттерине ыраазы болуп, батасын берди.
