Бишкек.05.07.2019.Govori.TV.
ЖК депутаты, “Өнүгүү-Прогресс” фракциясынын лидери Бакыт Төрөбаев өкмөт башчы Мухаммедкалый Абылгазиевге жана Ички иштер министри Кашкар Жунушалиевге кайрылуу жасады. Эл өкүлүнүн билдирүүсү толугу менен беребиз…
Урматтуу Мухаммедкалый Дуйшекеевич!
Урматтуу Кашкар Астаканович!
2-июль күнү Екатеринбург шаарында “Кыргызстан-Урал” коомдук уюмунун мурдагы жетекчиси Камчыбек Каримовдун чак түштө кылмышкерлерлердин колунан каза табышы, чет жерде эмгектенип жүрүшкөн 1 миллионго жакын мигранттарыбыздын коопсуздук маселесин кайрадан ортого чыгарды. Бул – мигранттарга жасалып жаткан алгачкы же акыркы кол салуу деп айтууга азырынча эрте.
Жыл сайын 2,5 млрд доллардан ашуун акча которуп, экономикага эбегейсиз салым кошуп жаткан мекендештерибиздин чет өлкөдөгү укуктары, коопсуздугу, кызыкчылыктары корголобу деген суроо учурда коомчулукта орчундуу болуп турат.
Биз Кыргызстанда завод-фабрикаларды куруп, жарандарга жумуш орундарын түзүп бере албагандыктан, алар бөтөн жерде жокчулуктун айынан үй-бүлөсүн багуу максатында иштеп жатышат. Андыктан, жарандарыбызга өз өлкөсүндө иштеп, акча табуусуна шарт түзүп бере албаган Өкмөттүн, Жогорку Кеңештин дагы кандайдыр бир деңгээлде күнөөсү бар деп эсептейм.
Мекендешибиздин өлүмү боюнча тергөө тобу тарабынан түрдүү версиялар айтылып жатат. Маалыматтар боюнча кылмышкерлер акчасын тартып алуу максатында карактап, соңунда атып кетишкен. Ошондуктан, Екатеринбург шаарынын укук коргоо органдары кылмыш ишин тыкыр иликтеп, кол салуунун чыныгы себебин аныктайт деп үмүттөнөм.
Урматтуу Мухаммедкалый Дуйшекеевич!
Сиз Өкмөттүн башчысы катары баардык тиешелүү министрликтерге конкреттүү тапшырмаларды берип, ЕАЭБдин алкагындагы укуктарыбызды толук кандуу пайдаланып, мигранттардын кооптонууларын азайтып, кылмыштын чоо-жайын обьективдүү аныкталышын камсыздап берүүңүздү суранамын.
Б.Э. Төрөбаев, “Өнүгүү-Прогресс” фракциясынын лидери
Бүгүн, 16-апрелде өткөн маалымат жыйында Бишкек шаарынын мэри Айбек Жунушалиев орун басары Максат Сазыкуловго карата …
Бүгүн, 3-апрелдеги Жогорку Кеңештин жалпы жыйыны учурунда депутат Исхак Масалиев сөз сүйлөп, фракциянын лидери, учурда …
Юрист Таттуубүбү Эргешбаева талаш жараткан “чет өлкөлүк өкүл” мыйзам долбооруна байланыштуу президент Садыр Жапаровго кайрылуу жолдоду. «Урматтуу …
«Коммерциялык эмес уюмдары жөнүндө» мыйзам долбооруна байлануштуу Оштогу бейөкмөт уюмдары президент Садыр Жапаровго кайрылуу жолдошту. …
Amnesty International (AI) уюму эл аралык уюму Жогорку Кеңеш кабыл алган “чет өлкөлүк өкүл” мыйзаманына …
Журналисттерди коргоо комитети (CPJ) Кыргызстанда коррупцияга каршы иликтөө жүргүзүп келген сегиз журналисттин камактагы мөөнөтүнүн узартылышына …
