Түркиянын түштүк-чыгышында, Сирия менен чектеш аймагында жер титиреп, бери дегенде 17 адам мерт болду. Бир катар имараттар, үйлөр кыйрады жана мындан улам каза болгондордун саны дагы көбөйүшү мүмкүн. Учурда урандыларды тазалоо, куткаруу иштери жүрүп жатат. Өлкөдө өзгөчө абал жарыяланды.
АКШнын Геологиялык кызматы күчү 7,8 баллга жеткен зилзала жергиликтүү убакыт менен таңкы саат 04.17де, Газиантеп шаарынын жанында, 17,9 чакырым тереңдикте болгонун кабарлады.
Өлкөнүн ички иштер министри Сулейман Сойлу жалпысынан 10 шаар: Газиантеп, Кахраманмарас, Хатай, Османие, Адияман, Малатья, Шанлыурфа, Адана, Диярбакыр жана Килис жабыркаганын билдирди.
Жердин силкинүүсү Анкара шаарында дагы сезилди. Ошондой эле жер титирөө башка мамлекеттерде — Кипр, Ливан жана Сирияда дагы катталды.
Түркия сейсмологиялык жактан активдүү аймактардын катарына кирет. Акыркы акыркы жолу катталган эң чоң зилзала 2011-жылдын 23-октябрында Ван аймагында болгон. Анын күчү 7,2 баллга жеткен. Зилзаланын очогу Ван аймагына караштуу Эржиш шаарында болгон. Бул кырсыкта 644 киши набыт болуп, эки миңге жакын киши оор жаракат алган. 110 миң турак жай жарактан чыккан.
Бул өлкөдө эң катуу жер титирөө 1999-жылы 17-августта Дүзже аймагында болгон жана кырсыктан 18 миңден ашык киши каза таап, 25 миңге жакыны жабыркаган.
Булак: Азаттык.
Стамбулда 2-апрелде өрт кырсыгынан кеминде 27 адамдын өмүрү кыйылды. Өрт шаардагы 16 кабат имараттын жертөлөсүндө …
Стамбул шаарында терактка даярданган деп шектелген Тажикстандын жараны менен Кыргызстандын атуулунун кармалышы боюнча ЖМКларында тараган …
31-мартта саат 06.25те Тажикстандын аймагында очогунда күчү 5 баллга жеткен жер титирөө катталган. Бул тууралуу …
Кыргызстанда жер титиреди. Бул тууралуу ӨКМнен билдиришти. Улуттук илимдер академиясынын Сейсмология институтунун такталган маалыматына ылайык, …
Кыргыз-кытай чек арасында бүгүн, 15-мартта эртең менен саат 08:47де очогунда күчү 4 баллга жеткен жер …
Кыргызстандын грек-рим күрөшү боюнча курама командасы Түркияда өткөн «Yasar Dogu, Vehbe Emre & Hamit Kaplan» …
