Жогорку Кеңеш бүгүн, 4-ноябрда жалпы жыйынга чогулуп, Борбордук шайлоо комиссиясынын (Боршайком) мүчөсүн шайлоо тууралуу маселени карайт. Бул тууралуу парламенттин маалымат кызматы кабарлады.
Парламенттин Конституциялык мыйзамдар, мамлекеттик түзүлүш, сот-укук маселелери жана регламенти боюнча комитети кечээ Боршайкомдун мүчөлүгүнө Акылбек Сариевдин талапкерлигин жактырып, жалпы жыйындын кароосуна жөнөттү.
Буга чейин парламент БШКнын оппозициялык квотадан мүчөсү Атыр Абдрахматованын ыйгарым укуктарын өзү жазган арызына ылайык токтоткон.