«Тамчы» инвестициялык аймагына капсула салынды

Министрлер кабинетинин төрагасы Адылбек Касымалиев Ысык-Көл районундагы «Тамчы» атайын финансылык-инвестициялык аймагынын (АФИА) курулушуна капсула салуу аземине катышты. 

Түзүлүп жаткан аймак эл аралык финансы борбору, глобалдык капиталды, финтех жана IT-инновацияларды тартуу борбору, ошондой эле эл аралык соода жана жүк агымдарын бириктирген заманбап логистикалык хаб болууга тийиш. Долбоор Ысык-Көл аймагынын потенциалына ылайыкташтырылган алдыңкы финансы борборлорунун дүйнөлүк мыкты тажрыйбаларына негизделген.

Аймактын негизги артыкчылыгы инвесторлор үчүн түшүнүктүү, туруктуу жана жогорку атаандаштыкка жөндөмдүү чөйрөнү түзүү болот. 

«Тамчы» АФИА долбоорунун негизги параметрлери: 

• 2035-жылга чейин жалпы аянты 470 миң чарчы метрден ашык заманбап кеңсе борборлорун, турак жай комплекстерин жана туристтик объектилерди этап-этабы менен куруу пландалууда. Аймак ишкердик, логистикалык (аэропортко жакын) жана рекреациялык зоналарга бөлүнөт. 
• Бизнестин кызыкчылыктарын коргоону камсыз кылуу үчүн англис укугунун принциптеринде иштеген талаш-тартыштарды чечүү боюнча көз карандысыз эл аралык борбор түзүлөт. 
• Аймактын резиденттери 49 жылга чейин  салыктардан бошотулат. Капиталдын эркин жүгүртүлүшү, ийкемдүү валюта режими жана 100 пайыздык чет элдик катышуусу менен иш жүргүзүү укугу каралган.
• 100 гектардан ашык аянтта 2035-жылга чейин жыл сайын 90 миңге чейин турист агымы күтүлгөн масштабдуу инфраструктура түзүлөт. 

Минкаб башчысы өз сөзүндө «Тамчы» долбоорун ишке ашыруу өлкөнүн экономикалык келечеги үчүн өтө маанилүү стратегиялык кадам экенин белгиледи.

Ачылыш аземди жыйынтыктап жатып, Адылбек Касымалиев өлкөнүн макроэкономикалык ийгиликтерине токтолуп, «Тамчы» өсүштүн рекорддук көрсөткүчтөрү фонунда ишке киргизилип жатканын белгиледи. 

«Кыргызстан инвесторлор үчүн ачык. Биз түшүнүктүү эрежелерди, сапаттуу колдоону жана узак мөөнөттүү туруктуулукту камсыздайбыз. Сиздердин ийгилигиңиздер – бул биз үчүн жаңы жумуш орундары, технологиялар жана өсүш экенин түшүнөбүз. Бүгүнкү күндө өлкөбүздүн экономикасы жогорку темптерди көрсөтүүдө: 2025-жылы ИДПнын өсүшү 11,1%ды түздү, ал эми акыркы төрт жылдагы орточо реалдуу өсүш 10,2%га жетти. «Тамчы» бул өнүгүүгө жаңы импульс берүүчү фактор болуп калат. Урматтуу инвесторлор, бакубаттуулуктун негизи – биримдикте. Келиңиздер, биргеликте ийгиликтерге жетишели. «Тамчыга» кош келиңиздер!» – деп сөзүн жыйынтыктады.

Подписаться:

Тема боюнча

Нарында жаңы төрөт үйүнүн курулушуна капсула салынды

Нарын шаарында жаңы төрөт үйүнүн курулушуна капсула салынды. Бул тууралуу шаардык мэриядан билдиришти. Маалыматка ылайык, …

Кененирээк

Президент Ысык-Көл облусунда «Ала-Тоо Резорт» ири тоо-лыжа кластеринин курулушун баштап берди 

Кыргыз Республикасынын Президенти Садыр Жапаров бүгүн, 8-августта, Ысык-Көл облусунун Ак-Суу районунда «Ала-Тоо Резорт» тоо-лыжа кластеринин …

Кененирээк

«Тамчы» атайын финансылык инвестициялык аймагы жөнүндө» мыйзамга кол коюлду

Президент Садыр Жапаров “Өзгөчө укуктук режимдеги жана статустагы “Тамчы” атайын финансылык инвестициялык аймагы жөнүндө” Кыргыз …

Кененирээк

Бишкекте жер астындагы «Old Bishkek» комплексинин курулушуна капсула салынды

Бүгүн Бишкекте жер астындагы “Old Bishkek” көп функционалдуу комплексинин курулушунун мезгил кутусун салуу аземи өттү. …

Кененирээк

“Көчмөн Сити” турак жай комплексинин курулушуна капсула салынды

Бүгүн президенттин Иш башкармалыгынын башчысы Каныбек Туманбаев Чүй облусунда “Көчмөн Сити” турак жай комплексинин мезгил …

Кененирээк

Көк-Жайык жайлоосунда кичи ГЭС курулат

Жети-Өгүз районундагы Көк-Жайык жайлоосунда кичи гидроэлектростанциянын (ГЭС) курулушуна капсула салуу аземи болуп өттү. Бул иш-чара …

Кененирээк