Жалал-Абад облусунун Таш-Көмүр шаарынын Панфилов №193 дарегиндеги турак жайдан чыккан өрттөн төрт адам каза тапты. ӨКМдин маалыматына ылайык, кырсык 11-августта болгон.
Өрттү өчүрүүгө Таш-Көмүр шаардык өзгөчө кырдаалдар бөлүмүнөн эки өрт өчүрүү автоунаа, куткаруучулар тартылган.
Тилсиз жоодон 6 жаштагы кыз, 11, 13 жаштагы балдар жана 63 жаштагы эркек киши каза болгон. Алардын сөөгү шаардык ички иштер бөлүмүнө өткөрүп берилген. Өрт эмнеден чыкканы азырынча белгисиз.